PAN India Release-ஆக உருவெடுக்கும் கார்த்திக் சுப்புராஜின் Jigarthanda Double X - நடிகர் ரஜினிகாந்தின் பிறந்த தினமான இன்று படப்பிடிப்பு துவங்கியது!

கார்த்திக் சுப்புராஜ் இயக்கத்தில் 2014ஆம் ஆண்டு வெளியான ஜிகர்தாண்டா திரைப்படம் மாபெரும் வெற்றியைப்பெற்றது. தமிழ் சினிமா ரசிகர்களிடையே மிகுந்த வரவேற்பை பெற்றது. இதில் 'Asault சேது' கதாபாத்திரத்தில் நடித்த பாபி சிம்ஹா-விற்கு தேசிய விருது கிடைத்தது. இந்த படம் ஒரு 'Trend Setter' படமாக அமைந்தது.

தற்போது இந்த படத்தின் இரண்டாம் பாகமான 'ஜிகர்தண்டா டபுள் X' திரைப்படத்தின் முன்னோட்ட டீஸர் வெளியாகி பட்டையை கிளப்புகிறது. 

 

Jigarthanda Double X - Teaser 

 

இதில் ராகவா லாரன்ஸ் மற்றும் SJ சூர்யா முக்கிய கதாபாத்திரத்தில் நடிக்க உள்ளனர். இதற்கு முன்பு கார்த்திக் சுப்புராஜ்-உடன் SJ சூர்யா கூட்டணி அமைத்து இறைவி படத்தில் நடித்துள்ளார். அந்த கதாப்பாத்திரம் அவருக்கு நடிகருக்கான, வில்லன் நடிகருக்கான நல்ல அந்தஸ்தை ஏற்படுத்தி கொடுத்தது. இந்த ஜிகர்தண்டா டபுள் X படத்தில் கார்த்திக் சுப்புராஜ், SJ சூர்யாவோடு புதியதாக கூட்டணி சேர உள்ளார் ராகவா லாரன்ஸ் என்பது குறிப்பிடத்தக்கது.

இந்த படத்தின் படப்பிடிப்பு நடிகர் ரஜினிகாந்தின் பிறந்தநாளான இன்று (12-12-2022) துவங்க உள்ளது என்று கார்த்திக் சுப்புராஜ் தனது சமூக வலைத்தளத்தில் குறிப்பிட்டு இருந்தார். இந்த படம் பல மொழிகளில் வெளியாகக்கூடிய PAN இந்தியா படமாக உருவெடுக்க உள்ளது.