'சர்தார்' வெற்றி கொண்டாட்டத்தில் நடிகர் கார்த்தி செய்த செயல்!

கார்த்தி நடித்த சர்தார் படம் இந்த 2022 தீபாவளி அன்று வெளியானது. இந்த படத்திற்கு மிகுந்த வரவேற்பு கிடைத்து மாபெரும் வெற்றி பெற்றது. இதை தொடர்ந்து இந்த படத்தின் இரண்டாம் பாகமான 'சர்தார் 2'-வின் பணிகளை தொடங்கவுள்ளது படக்குழு.

படத்தில் நெகிழி போத்தல்களை (Plastic Bottle) பயன்படுத்தாதீர்கள் என்ற கருத்தை தெளிவான விளக்கத்தோடு முன்வைத்தது இந்த படம். ஏற்கனவே படத்தை விளம்பரம் செய்யும் நிகழ்ச்சியில் நெகிழி போத்தல்களுக்கு பதிலாக கண்ணாடி போத்தல்களை பயன்படுத்தினர். 

அது மட்டுமல்லாமல் கார்த்தி ஒரு நேர்காணலில் கூறுகையில், சர்தார் படத்தின் கதையை கேட்ட பின்பு தான் வெளியே செல்லும் போது தண்ணீர் குடிப்பதற்கு 10 லிட்டர் எவர் சில்வர் டிஸ்பென்சரை கூடவே எடுத்துச் செல்வதாக கூறினார். தண்ணீர் குடிக்க முற்றிலுமாக நெகிழி போத்தல்களை தவிர்ப்பகாகவும் கூறினார். இவருக்கு முன்பே இவரது மனைவி இதை சரியாக பின்பற்ற தொடங்கிவிட்டார் என்றும் குறிப்பிட்டார்.

இதன் தொடர்ச்சியாக படத்தின் வெற்றி கொண்டாட்ட நிகழ்ச்சியில் கார்த்தி படத்தில் பணியாற்றிய PS மித்ரன் உட்பட அனைவருக்கும் 'வெள்ளி தண்ணீர் போத்தலை' (Silver Water Bottle) பரிசாக வழங்கியுள்ளார். இதன் மதிப்பு 30,000 ரூபாய் என குறிப்பீட்டு உள்ளனர். வெற்றி கொண்டாட்டத்தில் கார்த்தி செய்த இந்த சிறப்பான நற்செயலால்  படக்குழுவினர் அனைவரும் மகிழ்ச்சியில் உள்ளனர்.